Frifond

Det er no tid for å rapportere på tilskot motteke i 2022, les meir om det her.

Frifond er ei stønadsordning oppretta av Stortinget, for å betre rammevilkåra for kulturarbeid for barn og unge, og ein av medlemsfordelane med å vere lokallag i Noregs Ungdomslag. Lokallaget kan søke om aktivitetstilskot eller oppstartstilskot til barne- og ungdomsaktivitet i laget gjennom Frifond. I tillegg kan lokallag søke prosjekttilskot til teateraktivitet for same målgruppe.

Oppstartstilskotet er eit fast beløp på 4 000 kr. Dette er til nye lag, eller til lag som har færre enn fem medlemmer under 26 år, og som ønsker å starte opp aktivitetar for denne aldersgruppa.

Har laget minimum fem medlemmar under 26 år, og aktivitetstilbod til denne aldersgruppa, kan laget søke aktivitetstilskot. Tilskotet har eit grunnbeløp på 4 000 kr og eit variabelt beløp per medlem. I 2021 var dette beløpet 380 kroner per medlem. Så eit lag som søkte Frifond med ti medlemmer under 26 år fekk 4 000 + 3 800 (380 x10) = 7 800 kroner ekstra til å bruke til barne- og ungdomsaktivitet i laget.

Merk: Tilskotet skal gå til aktivitet for barn og unge under 26 år, og det må gå fram av rekneskapen at tilskotet faktisk er brukt til aktivitet for born og unge.

Årets søknadsfrist har gått ut.

Retningslinjene for tildelinga av midlar vert vedtatt av styret i NU. Lokallaga må difor lese gjennom retningslinjene før ein sender søknad, for å fange opp eventuelle endringar.

Retningslinjene for Frifond 2023 til nedlasting, finn du her.

Tidlegare tildelingar av Frifondmidlar:

• Desse vart tildelt Frifond-midlar i 2020
• Desse vart tildelt Frifond-midlar i 2021
• Desse vart tildelt Frifond-midlar i 2022
• Desse vart tildelt Frifond-midlar i 2023