Dansekurs: runddansteknikk og Rogalandsmasurka

Om dansekurset

Årets dansekurs under NU-helga er todelt og passar for deg som ønskjer å utvide repertoaret og lære meir om grunnleggande danseteknikk. Heile kurset vil ha fokus på dansar innan runddansfamilien.

Del 1) Med utgangspunkt i runddansformene vil instruktør Ina Maria Cyrus jobbe med rytme, svikt og balanse, samt det å lytte til musikken når ein dansar. Grunnleggande teknikkar i folkedans er nyttig uavhengig av kva dansar ein ønskjer å danse. Ina er ein erfaren dansar og instruktør.

Del 2) Ingrid Oftedal Gjesdal og Anne Marie Nerby har det siste året jobba med ei revidert nedteikning av masurka frå Rogaland. Dei vil gå gjennom dette arbeidet på kurset og jobbe med dansestil og rytme basert på filmar frå 80-talet.

Som deltakar er du med på begge delane av kurset.

Om instruktørane

Ina Maria Cyrus har instruert både barn, unge og vaksne gjennom lokallag, prosjekt og satsingar. Ina har brei kjennskap til folkedanssjangeren og vil dele villig av sin kunnskap.

Ingrid Oftedal Gjesdal og Anne Marie Nerby er begge aktive folkedansinstruktørar i Rogaland. Dei har begge vore instruktørar for leikarringer i ei årrekkje. Dei har óg teke folkedansstudium på Universitetet i Trondheim.

Musikarar på kurset er Gaute Hadland og Stig Helgeland, begge frå Vibå Spelemannslag.

Målgruppe

Kurset passar både for deg som har dansa ei god stund og for deg som er litt meir ny på dansegolvet

Tidsplan

10:00 Kurs
13:00 Lunsj
14:00 Fortsetjing kurs
16:00 Kurs ferdig
18:00 Middag
19:30 Dansefest

Påmelding opnar om kort tid.

Har du spørsmål om kurset, ta kontakt med kulturrådgjevar Rita Sirirud Vatnehol, rita@ungdomslag.no

Les meir om NU-helga her.