Kva er eit lokallag i Noregs Ungdomslag?
Eit NU-lag er ein lokal organisasjon eller gruppe som engasjerar seg i ulike aktivitetar som teater, folkedans, kunst, handverk og mykje meir. Alle lag som melder seg inn i Noregs Ungdomslag får tilgang til ressursane, støtta og nettverket som organisasjonen tilbyr.
Kulturell utveksling
NU-lag er engasjert i å fremje og bevare lokale kulturtradisjonar. Dei arrangerer ei rekke kulturelle aktivitetar knytt til musikk, dans, teater, kunst og handverk, for å nevne nokre. Gjennom desse aktivitetane får medlemmane sjansen til å lære, utveksle og uttrykke seg kreativt.
Samfunnsengasjement
NU-lag er ikkje berre om kultur, men også om å bygge sterke, ivrige og ansvarsfulle borgarar. Difor legg vi vekt på å lære ungdom kva demokrati er, korleis det fungerer, og kva det inneber å vere ein aktiv samfunnsmedborgar.
Lokal samfunnsbygging
NU-lag jobbar for å styrke lokalsamfunna dei er ein del av. Dette gjer dei gjennom å arrangere aktivitetar som er åpne for alle, skape trygge rom der folk kan møtast, utveksle idear og byggje fellesskap.
Bli ein del av Noregs Ungdomslag
Å vere med i eit NU-lag betyr å vere ein del av eit større fellesskap. Anten du er interessert i kultur, teater, folkedans, bunad, eller berre vil bidra til å skape eit betre samfunn, finst det ein plass for deg i Noregs Ungdomslag.
Utforsk fagfelta våre for å lære meir om kva lokallaga våre driv med
Bunad og handverk
Gjennom bunad- og handverksaktivitet tek vi vare på kunnskap, teknikkar og uttrykk som knyter oss til historia vår og gir tradisjonane nytt liv i vår eiga tid.
Folkedans
Folkedansen samlar menneske på tvers av generasjonar og held levande dansetradisjonar som er forma gjennom hundreår med fest, leik og fellesskap.
Levande kulturarv
Levande kulturarv er tradisjonar, kunnskap og ferdigheiter som blir haldne i live gjennom bruk og vidareføring.
Teater
Teater skaper rom for kreativitet, meistring og fellesskap gjennom amatørscenekunst.
Ungdomshus
Ungdomshusa våre er levande møteplassar for frivillig kulturarbeid, fellesskap og lokal aktivitet.
Aktuelt blant lokallaga
Sjå alle
Torsdagsquiz på Leikanger ungdomshus
Er du klar for kunnskap, konkurranse og godt selskap? Frå september arrangerer Leikanger ungdomslag quiz på ungdomshuset den første torsdagen kvar måndad – alle er velkomne!
29. juni 2026
Måndagsdans på ungdomshuset
Vi har veldig lyst å starte opp igjen med måndagsdans for vaksne til hausten.
26. mai 2026
10. mars 2026
16. desember 2025
16. desember 2025
Tips oss om Årets lokallag
Veit du om eit lag som fortener å bli nominert til Årets lokallag? Send oss gjerne framlegg til kandidatar så tek vi dei med i vurderinga. Det er styret i NU som avgjer kven som kvart år blir med i den endelege avstemminga.