Sentrumsløpet 2025 under Landsmøte i Noregs Ungdomslag

Idrottslaget i BUL blei stifta i 1913, og har lange, gode tradisjonar innafor idrettsgreiner som langrenn, skihopp, orientering og friidrett. Heile overskotet frå Sentrumsløpet går til Idrottslaget i BUL, som har som mål å leggje til rette for gode treningsmiljø, eit samlande miljø med sosiale tilstellingar og arrangement, gode trenarar og talentutvikling.

Dei har vore arrangør av Sentrumsløpet sidan 2000, og i år var det forventa rundt 17000 deltakarar i løpet. Sidan løpet falt på same dag som årets Landsmøte, blei det lagt opp til moglegheit for både deltaking og heiing under løpet. Nokre spreke representantar frå Noregs Ungdomslag tok utfordringa, og sprang gjennom Oslos gater med olavsrosa godt synleg for heiagjengen langs ruta.