Korleis søke tilskot?

Gode tips før de startar søknadsarbeidet

• Sjå moglegheiter
• Ver kreativ
• Tenk stort!
• Nyskapande idear
• Kan de samarbeide med andre lag?
• Er det noko lokalmiljøet saknar?
• Kan de starte noko nytt? - nå ei ny målgruppe?
• Har de ressurspersonar som kan vere med å bidra?

Årsmelding

• Lag ein god årsmelding - den kan nyttast til så mangt!
• Del ut til aktuelle personar i kommunen
• Legg ut på kantina i kommunen
• Del ut til verksemder
• Send ut til medlemmer/innbyggjarane
• Send den til den lokale avisa, godt utgangspunkt til pressemelding, artikkel eller intervjue i lokalavisa eller bygdanytt
• Heng opp på grendahuset, butikken, på legesenteret, bensinstasjonen...

Om å søke

• Les retningslinjene/formålet til tilskotsordninga nøye
• Ring tilskotsgjevar: Presenter dykk og prosjektet!
• Bruk ord frå tilskotsgjevaren sine vedtekter, omformuler og tilpass til søknaden
• Ver klar, sikker, trygg på kva de vil gjennomføre
• Ikkje problematiser. Slik er det. Punktum
• Du har definisjonsmakta. Ver trygg ”Vi skapar, vi vinn, vi klarar dette, vi fikser dette”
• Ver positiv! Fortel kva de har fått til /skal få til
• Løft fram den allmennyttige verdien. Kva er det eigentleg som er viktig med dette prosjektet? Kva er verdien for ditt lokalsamfunn?
• Fortel om visjonane, kva de ynskjer å oppnå! - Pirr nysgjerrigheita til dei som vurderer
• Fortel om aktivitetar i laget – skap engasjement til dykkar prosjekt
• Eit ekstra tips er å ta med berekraftsmål som er relevant for søknaden, både knytt til klima og sosialt.

Eigenfinansiering i budsjettet

I ein søknad om tilskot er det viktig å setje verdien på dugnad som vert utført og synleggjere sponsing og gåver

Dugnad:

1. Varierer frå stifting til stifting, men minst kr 300,- pr. time.

2. Få tilbod frå fagfolk og bruk denne som utgangspunkt for utrekning av dugnadsinnsats i finansieringsplanen

• Stor del av finansieringa kan vere dugnad!
• Sponsa produkt, få skriftelg stadfesting på verdi
• Rabattar på innkjøp, vis verdien i budsjettet
• Få dei som gjev gåver til å skrive gåvebrev