Noregs Ungdomslag er stolte av vår organisasjonsstruktur som er tufta på frivillig arbeid i lokalmiljøa. Det er ein føresetnad at vi er styrt nedanfrå og opp, med frivillige i lokallag, fylkeslag og eit nasjonalt styre som gir føringar til dei tilsette på kontoret.
Styret i Noregs Ungdomslag oppretta prisen for å heidre og løfte fram det makelause arbeidet lokallaga våre legg ned kvar einaste dag for å skape levande og inkluderande lokalsamfunn. Lokallaga sit på kunnskap og erfaring innan aktivitet og kulturformidling som ikkje kan erstattast. Prisen er ei viktig anerkjenning av den innsatsen og det engasjementet som lokallaga våre viser, år etter år.
I år er det tredje gangen årets lokallag vert kåra.
Det er openbart at kåringa av årets lokallag skapar stort engasjement. Juryen ser at det vert lagt stadig meir flid i grunngjevinga av dei nominerte laga, stemmetala er generelt høge og videoane som laga lagar er gjennomtenkte og viser bredda og engasjementet til laga på ein fin måte.
I år nominerte styret i Noregs Ungdomslag fem lag som årets lokallag:
- Bergen Ungdomslag Ervingen
- Fjærland Ungdomslag
- Folkedanslaget Sølja
- UL Liv
- UL Skjoldafjord
Kriteria juryen skal legge vekt på er:
- Skape gode lokalsamfunn.
- Medverkar gjennom gode og varierte aktivitetar til å skape gode fritidstilbod
- Samhald og inkluderande møteplassar uavhengig av alder.
- Aktiv deltaking i fylkeslaga er og eit pluss.
Etter ei samla vurdering går prisen til eit lag som gjennom meir enn hundre år har vore ein kulturell bærebjelke i lokalsamfunnet. Med eit sterkt engasjement for kreativ utfalding og fellesskap, har laget klart å samle barn, ungdom og vaksne på tvers av generasjonar. Gjennom sitt inkluderande miljø og sitt målretta arbeid for høg kvalitet, har laget vorte ein uvurderleg ressurs for heile lokalsamfunnet.
Årets vinnar er UL Skjoldafjord!
Morten Eiknes var tilstades på landsmøtet og kunne ta i mot prisen på vegne av laget.
Noregs Ungdomslag gratulerer så mykje!
Her kan du lese meir om UL Skjoldafjord og deira aktivitetar.
Fleire aktueltsaker
Sjå alle
Pressemelding: Levande møteplassar over heile landet
Arena for nabolagshus styrker samarbeidet mellom aktørane som arbeider for gode lokale møteplassar over heile landet. Noregs Ungdomslag og SoCentral får saman ansvar for den daglege drifta ut prosjektperioden, og det vil bli prøvd ut ein meir formalisert struktur for styringsgruppa. Arbeidet er gjort mogleg av ei ny tildeling på 4 millionar kroner frå Sparebankstiftelsen DNB, som skal nyttast til å vidareutvikle arenaen og mobilisere fleire samarbeidspartnarar og rammevilkårsetjarar. 22. september inviterer arenaen til sparringsverkstad under Kulturarenakonferansen i Oslo.
17. september 2026
Dans for born og ungdom på Ungdomshuset også i haust
Dans utan grenser Leikanger startar opp att med danseverkstad for born og ungdom på Leikanger ungdomshus 24. august 2026.
12. august 2026
Frivilligheita etterlyser større plass i kulturarvstrategien
Kvifor er ikkje det frivillige kulturvernet meir synleg i den nye strategien for immateriell kulturarv? Det spørsmålet stod i sentrum då Kulturvernforbundet, Noregs Ungdomslag og Norges Husflidslag inviterte til debatt under Arendalsuka. Debatten synte ei tydeleg usemje om kor stor plass frivilligheita har fått i strategiarbeidet.
10. august 2026