Bunad og handverk

Noregs Ungdomslag har ei rik og lang historie som ein organisasjon som er opptatt av bunad og handverk. Heilt sidan Hulda Garborg reiste rundt i landet og inspirerte til bunadsarbeid, har bunaden vore ein del av arbeidet til norskdomsrørsla og andre organisasjonar.

Med Klara Semb kom bunad inn som ei sentral arbeidsoppgåve for Noregs Ungdomslag. Lag og medlemmer har lagt grunnen for mange av bunadene som er i bruk i Noreg i dag, og i praktisk bruk er det ingen som brukar bunaden meir enn medlemmene i ungdomslaga. Noregs Ungdomslag skal vere ein interessant organisasjon for både bunadstilverkarar og bunadsbrukarar.

Bunadsarbeidet i NU

Mange av NU sine lokallag er opptekne av bunad og handverk. Gjennom aktiv bunadbruk, kurs og handverksaktivitetar er lokallaga med på å ta vare på ein levande handverkstradisjon.

I dag har NU ansvar for ivaretaking av heile den samansette bunadshistoria, tilgang på bunader, ivaretaking av handverkstradisjonen og kunnskapsformidling om både bunad og folkedrakt står sentralt. Dei kulturhistoriske røtene er viktige, men det å bruke bunad, at det finnast tidhøveleg klede for alle, demokratisk og mogleg å sy sjølve, er det viktigaste. Frå fagpolitisk plattform.

Stor gruppe menneske som dansar i ring ikledd bunad. — 2023_Danseframsyning under bunadsfest for å feire ferdig nominasjonssøknad til Unesco_Geir Dokken

2023_Danseframsyning under bunadsfest for å feire ferdig nominasjonssøknad til Unesco_Geir Dokken

Detaljbilde av bunad med liv, forkle og lauslomme. — 2018_Detaljbilde bunad_Ane Marte Før

Opplæring og møtestader

Noregs Ungdomslag har fleire gode samarbeidspartnarar på bunadsfeltet. Gjennom desse samarbeida tilbyr vi kurs og opplæring i bunad og handverk i tillegg til at vi er med på å arrangere møtestadar for bunadsinteresserte.

Bunadopplæringa er ei modulbasert kursrekkje som gir deg ei praktisk innføring i dei grunnleggande handverskteknikkane innan bunadssaum samt meir kunnskap om historia til handverket.

Fagdagane i bunad og folkedrakt er ei årleg samling der bunadsinteresserte møtast for faglege foredrag, kurs og sosialt samvær.

Meir om bunad

Dans under bunadsfest i Teatersalen. Spelekvinne sit rett ved.

Samarbeidspartnarar

Besøk nettsiden til Studieforbundet kultur og tradisjon
Studieforbundet kultur og tradisjon er eit studieforbund for frivillige organisasjonar som driv opplæring i folkeleg kultur som husflid, handverk, folkedans, teater, kystkultur og lokalhistorie, med meir. Noregs Ungdomslag var ein av stiftarane av studieforbundet.
Besøk nettsiden til Norges Husflidslag
Norges Husflidslag er en medlemsorganisasjon med over 350 lokale husflidslag og 19 fylkeslag. I tillegg til over 20.000 enkeltmedlemmer, er også profesjonelle husflidhåndverkere og husflidsbutikker knyttet til organisasjonen.
Besøk nettsiden til Norsk institutt for bunad og folkedrakt
Norsk institutt for bunad og folkedrakt (NBF) er eit nasjonalt kompetansesenter som arbeider med dokumentasjon, forsking og formidling av folkedrakt og bunad.
Besøk nettsiden til Norsk Folkedraktforum
Norsk Folkedraktforum er ein landsdekkjande organisasjon som arbeider med bunader som er i samsvar med den folkelege draktskikken i Noreg.

Aktuelt

Sjå alle

Dugnad på Folkvang ungdomshus på Gran, eigd av Fagerlund Ungdomslag

Pressemelding: Levande møteplassar over heile landet

Arena for nabolagshus styrker samarbeidet mellom aktørane som arbeider for gode lokale møteplassar over heile landet. Noregs Ungdomslag og SoCentral får saman ansvar for den daglege drifta ut prosjektperioden, og det vil bli prøvd ut ein meir formalisert struktur for styringsgruppa. Arbeidet er gjort mogleg av ei ny tildeling på 4 millionar kroner frå Sparebankstiftelsen DNB, som skal nyttast til å vidareutvikle arenaen og mobilisere fleire samarbeidspartnarar og rammevilkårsetjarar. 22. september inviterer arenaen til sparringsverkstad under Kulturarenakonferansen i Oslo.

17. september 2026

Lokallag

Dans for born og ungdom på Ungdomshuset også i haust

Dans utan grenser Leikanger startar opp att med danseverkstad for born og ungdom på Leikanger ungdomshus 24. august 2026.

12. august 2026

Frivilligheita etterlyser større plass i kulturarvstrategien

Kvifor er ikkje det frivillige kulturvernet meir synleg i den nye strategien for immateriell kulturarv? Det spørsmålet stod i sentrum då Kulturvernforbundet, Noregs Ungdomslag og Norges Husflidslag inviterte til debatt under Arendalsuka. Debatten synte ei tydeleg usemje om kor stor plass frivilligheita har fått i strategiarbeidet.

10. august 2026

Bunadmote og trendar, korleis møte ein marknad i utvikling?

Kva trendar ser ein innan bunadsfeltet i dag og korleis kan produsentar, fagmiljø og dei som elles arbeider med bunad møte desse trendane? På første dag under Arendalsveka sette dei fem samarbeidsorganisasjonane for bunadbruk i Noreg søkelys på denne tematikken.

10. august 2026