Kladdebok med oppteikning om bunad og dans
Norsk senter for folkemusikk og folkedans samarbeider med Noregs Ungdomslag om å digitalisere og gjera tilgjengeleg samlinga etter Klara Semb. Kvar månad publiserast ein ny del av samlinga på Digitalarkivet.
KSa006 "Kladdebok med oppteikning om bunad og dans"
I dag deler vi ein skatt frå den fyrste delen av Klara Semb si samling som er tilgjengeleg på Digitalarkivet: KSa006 "Kladdebok med oppteikning om bunad og dans". Denne kladdeboka blei brukt som kjelde i den reviderte versjonen av "Norske Folkedansar, turdansar", publisert i 1991.
Denne reviderte utgåva av turdansane er eitt vidare arbeid av boka "Norske Folkedansar" av Klara Semb, publisert for første gang i 1922.
Denne siste reviderte utgåva frå 1991 blei omarbeidd og utvida av ei nemnd i Noregs Ungdomslag som bestod av Egil Bakka, Kåre Herdlevær, Liv Midttun, Tor Stallvik, Dag Vårdal, og Turid Mørk Øfstaas. I merknadene til dansen Ril frå Sandsvær, Buskerud kan me lesa følgande opplysningar (side 153):
"I ei av Klara Sembs handskrivne notatbøker (A6) finn me ei nedteikning av dansen som kan vera den fyrste, meir eller mindre direkte etter kjelda. Det kan likevel òg vera førearbeid til 1935-utgåva, for det er ein god del andre notat i boka som kan peika i den lei.»
