Hopp til hovedinnhold

Delta på undersøking om kulturen i organisasjonen

Analysebyrået Opinion gjennomfører for tida ei spørjeundersøking på vegner av Noregs Ungdomslag (NU), FolkOrg og Norsk senter for folkemusikk og folkedans (Sff).

Bilde av dansing.

Formålet med undersøkinga er å finne ut av omfang og førekomst av uønskt og grenseoverskridande åtferd i fdei tre organisasjonane sine miljø. Dette inkluderer aktivitetar som teater, dans, kor, hus, musikk, idrett, bygdearrangement osv. Spørjeundersøkinga har også spørsmål om korleis du opplever kulturen og miljøet i organisasjonen din meir generelt.

Det er viktig at så mange som mogleg av våre medlemer i NU svarer på undersøkinga, heilt uavhengig av om ein har opplevd uønskte hendingar eller ikkje. Det er slik vi får eit mest mogleg riktig bilde av kulturen og miljøet i organisasjonane. Vi håpar du vil ta deg tida til å delta, det tar omtrent 6–7 minutt å svare på undersøkinga.

Alle medlemer med registrert e-postadresse i Hypersys (over 16 år) har i desse dagar fått e-post frå Opinion med lenke til undersøkinga. Har du ikkje motteke slik e-post ta kontakt med oss, så skal vi sende lenka direkte. E-posten kan også ha havna i søppelboksen, så sjekk den også. Dersom du ikkje har motteke e-posten er dette ei gylden moglegheit til å sjekke med lokallaget ditt om du er registrert med e-postadresse i Hypersys eller ikkje.

Opinion vil sikre at alle svar blir anonymiserte, og at alle data blir behandla konfidensielt. Ingen enkeltsvar eller svar som gjer det mogleg å identifisere enkeltpersonar, blir vidareformidla til NU, FolkOrg eller Sff. Vi slettar e-postadressa di når databehandlinga er ferdig og rapporten levert.

Tusen takk for at du bidreg til ei viktig kartlegging.

Fleire aktueltsaker

Sjå alle
Lokallag

Fyrets laiv 2026 - Glim

Kultur- og teaterverkstedet Fyret i Sandnessjøen arrangerte 11. oktober sin årlige laiv, denne gangen en fantasy-laiv om det tenkte landet Glim. Det var en firetimers laiv som foregikk i Vakkerdalen ved foten av fjellrekken De syv søstre. Det deltok rundt 90 elever og foreldre.

29. oktober 2026

Biletet viser ein mann som står på ein stige og koplar til ledning i veggen. Det står ein anna mann framfor han og ser på kva han gjer.

Regjeringa kuttar nær éin million til Noregs Ungdomslag

Regjeringa har foreslått å redusere løyvinga til Noregs Ungdomslag med 905 000 kroner. Kuttet vil direkte påverke arbeidet med rådgjeving og kompetanseheving for tusenvis av frivillige som eig og driftar lokale kulturbygg over heile landet.

7. oktober 2026