Desse er i teten i Kven Veit
Etter at fristen for å sende inn svar frå første runde av Kven Veit gjekk ut, har det vore nøye teljing og vurdering av svar for den som har vore ansvarleg for å summere resultata. Det skulle vise seg å bli tett i tet, og nesten så nervepirrande som det kjende månekappløpet nokre tiår tilbake i tid! (ja, de veit nok kor mange år tilbake i tid, etter å ha finstudert studieheftet!)
Denne gongen har heile fire lag karra seg til topps med same sum. Både Fjærland UL Bøyum Camping, Jondal UL Mariannes venner, Hellesylt UL (lag B) og Rossabø Folkedanslag (lag A) har sanka imponerande 28 poeng i første runde av kunnskapstevlinga.
Etter desse, har BUL Oslo Songlaget sanka 27 poeng og eitt hakk ned, kjem det heile sju lag som har hamna på 26 poeng. Etter det har seks lag endt opp med 25 poeng. Her har det altså vore hårfine marginar i kunnskapen som har skilt laga.
No er laga godt i gang med andre runde, og resultata frå runde nummer to blir publiserte 29. mars. Her har vi ein mistanke om at spørsmåla nok har vore hakket vanskelegare. Men Kven Veit før resultatet er klart – den som følger med, får sjå!
Heile resultatlista frå runde ein, finn de her.
Fleire aktueltsaker
Sjå alle
Kulturbyggstøtte gir firedobbel effekt
Sidan 2016 har Sparebankstiftinga Sogn og Fjordane og Huset i Bygda delt ut 15,3 millionar kroner til ungdomshus, grendahus og samfunnshus i fylket. Ein ny rapport viser at kvar krone har utløyst nesten fire kroner i lokal investering.
29. september 2026
Pressemelding: Levande møteplassar over heile landet
Arena for nabolagshus styrker samarbeidet mellom aktørane som arbeider for gode lokale møteplassar over heile landet. Noregs Ungdomslag og SoCentral får saman ansvar for den daglege drifta ut prosjektperioden, og det vil bli prøvd ut ein meir formalisert struktur for styringsgruppa. Arbeidet er gjort mogleg av ei ny tildeling på 4 millionar kroner frå Sparebankstiftelsen DNB, som skal nyttast til å vidareutvikle arenaen og mobilisere fleire samarbeidspartnarar og rammevilkårsetjarar. 22. september inviterer arenaen til sparringsverkstad under Kulturarenakonferansen i Oslo.
17. september 2026
Dans for born og ungdom på Ungdomshuset også i haust
Dans utan grenser Leikanger startar opp att med danseverkstad for born og ungdom på Leikanger ungdomshus 24. august 2026.
12. august 2026
