Endeleg klart for HAVLEIKUR på Færøyane!
Heilt sidan 1920 har det vore arrangert nordiske folkedansstemne gjennom Nordlek-samarbeidet, med deltakarar frå alle dei nordiske landa. Til saman har over 60 større og mindre stemne funne stad på desse drygt 100 åra med nordisk folkedanssamarbeid.
No er det på nytt klart for stemne, og denne gongen er det Sláið Ring på Færøyane som inviterer dei andre nordiske landa til HAVLEIKUR.
Over 120 deltakarar frå Noreg
Over 120 dansarar og musikarar frå Noreg skal reise til folkedansstemnet HAVLEIKUR på Færøyane og Tórshavn. Desse har fire dagar med dans, framsyning, utflukter, song, foredrag og kulturaktivitetar å sjå fram til, saman med deltakarar frå Danmark, Finland, Grønland, Island, Sverige og vertslandet Færøyane.
Det vil bli lite tid til søvn og avslapping for deltakarane. I programmet er det nemleg lagt opp til dans til langt på natt, og på dagtid skal ein fylle tida med opplevingar, framsyning, kurs og sosialt samvær. Det er mykje spennande på programmet, og viss du vil sjå kva som skal skje under stemnet, kan du finne programmet her:
Nordisk sommarleir for ungdom før stemnet
I forkant av stemnet, blir det tre dagar med nordisk sommarleir for ungdom, der åtte deltakarar frå Noreg er med. Under leiren er det mykje fokus på dans gjennom workshops, der ungdommane har høve til å lære av kvarandre. I tillegg er det lagt opp til utflukter og sosiale opplevingar som er med på å skape gode minne og danse-vennskap for livet.
Tidlegare deltakarar fortel at det er ein veldig fin måte å bli kjent med dansarar på same alder som seg sjølv, som blir med vidare på festivalen. Dette legg til rette for eit trygt og morosamt miljø for ungdommane på resten av festivalen. Det er òg lagt opp til at ungdommane skal på utflukt saman under festivalen.
På Færøyane for fjerde gong
Dette er fjerde gong at eit Nordlek-stemne finn stad på Færøyane. Sist gong var under barnestemnet BARNLEK i 2017, og sist gong det var invitert til HAVLEIKUR, var i 2008. Neste år blir det igjen invitert til barnestemne, med BARNLEK 2023 i Lerum i Sverige.
Du kan lese meir om barnestemnet i Lerum her.
Håper deltakarane blir med til Arendal i 2024
Mange av dei som no reiser til Færøyane frå Noreg, er røynde stemnedeltakarar, og kan skryte av album fulle av minne og ein garderobe full av t-skjorter frå tidlegare stemne. Andre deltakarar reiser på sitt aller første Nordlek-stemne.
Ein får håpe at dansen og stemnet fell i smak, og at mange av deltakarane også finn vegen til Arendal i 2024, der vi i NU skal arrangere både nordisk sommarleir og NORDLEK 2024.
Du kan lese neir om NORDLEK i Arendal i 2024 her.
Fleire aktueltsaker
Sjå alle
Kulturbyggstøtte gir firedobbel effekt
Sidan 2016 har Sparebankstiftinga Sogn og Fjordane og Huset i Bygda delt ut 15,3 millionar kroner til ungdomshus, grendahus og samfunnshus i fylket. Ein ny rapport viser at kvar krone har utløyst nesten fire kroner i lokal investering.
29. september 2026
Pressemelding: Levande møteplassar over heile landet
Arena for nabolagshus styrker samarbeidet mellom aktørane som arbeider for gode lokale møteplassar over heile landet. Noregs Ungdomslag og SoCentral får saman ansvar for den daglege drifta ut prosjektperioden, og det vil bli prøvd ut ein meir formalisert struktur for styringsgruppa. Arbeidet er gjort mogleg av ei ny tildeling på 4 millionar kroner frå Sparebankstiftelsen DNB, som skal nyttast til å vidareutvikle arenaen og mobilisere fleire samarbeidspartnarar og rammevilkårsetjarar. 22. september inviterer arenaen til sparringsverkstad under Kulturarenakonferansen i Oslo.
17. september 2026
Dans for born og ungdom på Ungdomshuset også i haust
Dans utan grenser Leikanger startar opp att med danseverkstad for born og ungdom på Leikanger ungdomshus 24. august 2026.
12. august 2026
