Framlegg til nytt langtidsprogram for Noregs Ungdomslag
På landsmøtet i april skal det bli vedteke eit heilt nytt langtidsprogram for Noregs Ungdomslag. Programmet skal gi retning på arbeidet i heile organisasjonen.
Det blei satt ned eit utval i sommar, som skulle jobbe med programmet. Utvalet har bestått av Morten Nilsen frå Nordland, Synnøve Jørgensen frå Rogaland, Torbjørn B. Lauen frå styret og Mona Husby frå kontoret. I haust og vinter har det vore arrangert innspelsmøte både digitalt og fysisk, og medlemmar, lokallag og fylkeslag har vore oppmoda om å sende inn tankar og innspel.
Med utgangspunkt i dei innkomne framlegga og eigne diskusjonar, har utvalet no skrive ferdig sitt endelege framlegg.
Vi oppmodar no medlemmar og lag om å sende inn konkrete endringsframlegg til styret. Framlegget til langtidsprogram frå styret blir sendt ut med sakspapira i mars. Dette blir grunnlaget for ein god diskusjon på landsmøtet i april.
Viktige datoar:
- 24. januar: Framlegget frå utvalet blir sendt på høyring.
- 25. februar: Frist for å komme med høyringssvar til styret.
- 22. mars: Framlegget frå styret blir sendt ut saman med landsmøtepapira.
- 22.-24. april: Landsmøte
Fleire aktueltsaker
Sjå alle
Kulturbyggstøtte gir firedobbel effekt
Sidan 2016 har Sparebankstiftinga Sogn og Fjordane og Huset i Bygda delt ut 15,3 millionar kroner til ungdomshus, grendahus og samfunnshus i fylket. Ein ny rapport viser at kvar krone har utløyst nesten fire kroner i lokal investering.
29. september 2026
Pressemelding: Levande møteplassar over heile landet
Arena for nabolagshus styrker samarbeidet mellom aktørane som arbeider for gode lokale møteplassar over heile landet. Noregs Ungdomslag og SoCentral får saman ansvar for den daglege drifta ut prosjektperioden, og det vil bli prøvd ut ein meir formalisert struktur for styringsgruppa. Arbeidet er gjort mogleg av ei ny tildeling på 4 millionar kroner frå Sparebankstiftelsen DNB, som skal nyttast til å vidareutvikle arenaen og mobilisere fleire samarbeidspartnarar og rammevilkårsetjarar. 22. september inviterer arenaen til sparringsverkstad under Kulturarenakonferansen i Oslo.
17. september 2026
Dans for born og ungdom på Ungdomshuset også i haust
Dans utan grenser Leikanger startar opp att med danseverkstad for born og ungdom på Leikanger ungdomshus 24. august 2026.
12. august 2026
