Kom med innspel til folkedansstrategi
Vi i Noregs Ungdomslag skal i vinter utvikle ein folkedansstrategi for organisasjonen. Vi skal finne ut av kven vi er innan folkedansverda og kva retning vi ynskjer å gå i, og finne ut kva som er viktig å satse på framover.
I samband med dette arbeidet ynskjer vi å få innspel frå våre lag og medlemer til korleis vi best kan utvikle oss som folkedansorganisasjon og kva de tenker er viktig. De sit på mykje kunnskap og tankar om kva vi treng meir og mindre av, og vi vil gjerne høyre kva de tenker.
I fyrste omgang ynskjer vi skriftlege innspel som vi kan ta med oss i starten av arbeidet. Etter kvart kan det også bli aktuelt med digitalt diskusjonsmøte for å dykke ned i kjerna av kven NU er og kor vi vil.
Alle som ynskjer kan bidra ved å svare på nokre spørsmål i dette skjema innan desember 2020: https://forms.gle/CUqrcNLrGzhepbRMA.
Eit alternativ eller tillegg er også å sende innspel til solveig@ungdomslag.no.
Vi set pris på alle som vil dele sine tankar, og ta gjerne kontakt med oss om de har noko de vil dele.
Strategien skal vera ferdig til februar 2021, difor ynskjer vi flest mogleg innspel innan utgangen av året 2020.
Fleire aktueltsaker
Sjå alle
Kulturbyggstøtte gir firedobbel effekt
Sidan 2016 har Sparebankstiftinga Sogn og Fjordane og Huset i Bygda delt ut 15,3 millionar kroner til ungdomshus, grendahus og samfunnshus i fylket. Ein ny rapport viser at kvar krone har utløyst nesten fire kroner i lokal investering.
29. september 2026
Pressemelding: Levande møteplassar over heile landet
Arena for nabolagshus styrker samarbeidet mellom aktørane som arbeider for gode lokale møteplassar over heile landet. Noregs Ungdomslag og SoCentral får saman ansvar for den daglege drifta ut prosjektperioden, og det vil bli prøvd ut ein meir formalisert struktur for styringsgruppa. Arbeidet er gjort mogleg av ei ny tildeling på 4 millionar kroner frå Sparebankstiftelsen DNB, som skal nyttast til å vidareutvikle arenaen og mobilisere fleire samarbeidspartnarar og rammevilkårsetjarar. 22. september inviterer arenaen til sparringsverkstad under Kulturarenakonferansen i Oslo.
17. september 2026
Dans for born og ungdom på Ungdomshuset også i haust
Dans utan grenser Leikanger startar opp att med danseverkstad for born og ungdom på Leikanger ungdomshus 24. august 2026.
12. august 2026
