Kulturhuskonferansen 2023
Meir kunnskap, inspirasjon og ideutveksling står på programmet når Noregs Ungdomslag og Huset i Bygda inviterer til kulturhuskonferanse 20.-21. oktober.

Noreg er kjenneteikna av det sterke organisasjonslivet og dei mange kulturbygga reist av lag og organisasjonar. Dette er hus som har spelt og som speler ein betydeleg rolle i utviklinga av det norske samfunnslivet. Desse husa er framleis viktige som arena for frivillig kulturarbeid og utøving av dans, teater, bunadsarbeid, og anna kulturarbeid. Det er viktig å ivareta desse husa og utvikle dei vidare. Mange av husa er midtpunkt i grender og bygdelag og fungerer som motvekt til sentralisering. Dei bidreg òg til auka bulyst i distrikta.
Fredag er tema for konferansen generelle rammevilkår og meir kunnskap om dei organisasjonseigde kulturbygga. Vi skal òg snakke om manglande forståing på tvers av sektorar som medverkar til å skape kunstige barrierar for at organisasjonseigde kulturhus kan utvikle seg i takt med tida. Konferansen er fredag retta mot det politiske og administrativt nivå i kommunar, fylkeskommunar og nasjonale organisasjonar.
Laurdag rettar konferansen seg meir mot huseigarar og frivillige lag. Tema då vert korleis skape lokalt engasjement, skrive gode søknadar, støtteordningar, offentlege krav til drift av husa og korleis kan huseigarar legge til rette for at alle kan nytte husa uavhengig av funksjonsnedsetting. Kløvheim Ungdomslag, som i 2023 vart kåra til årets Ungdomslag vil òg fortelje om sine lagsaktivitetar i eit inspirasjonsføredrag.
Arrangør: Noregs Ungdomslag og Huset i Bygda.
Konferansen er støtta økonomisk av Vestland Fylkeskommune.
Stad: Liland Ungdomshus, Lilandsvegen 70, 5258 Blomsterdalen
Pris:
- Fredag, inkl. lunsj – kr 300,00
- Fredag, inkl. lunsj og middag – kr 650,00
- Fredag og laurdag, inkl. overnatting og middag – kr. 1950,00
- Fredag og laurdag, eks. Overnatting og middag – kr. 550,00
- Laurdag, inkl. lunsj – kr. 300
Påmelding: Innan 6. oktober. Dersom du treng overnatting er fristen 21. september for å få konferanseprisen.

Fleire aktueltsaker
Sjå alle
Fyrets laiv 2026 - Glim
Kultur- og teaterverkstedet Fyret i Sandnessjøen arrangerte 11. oktober sin årlige laiv, denne gangen en fantasy-laiv om det tenkte landet Glim. Det var en firetimers laiv som foregikk i Vakkerdalen ved foten av fjellrekken De syv søstre. Det deltok rundt 90 elever og foreldre.
29. oktober 2026


Regjeringa kuttar nær éin million til Noregs Ungdomslag
Regjeringa har foreslått å redusere løyvinga til Noregs Ungdomslag med 905 000 kroner. Kuttet vil direkte påverke arbeidet med rådgjeving og kompetanseheving for tusenvis av frivillige som eig og driftar lokale kulturbygg over heile landet.
7. oktober 2026


Minnepris 2026 til ung hardingfeleutøvar frå Kvam
Audhild Flaktveit Moxnes sin minnepris til unge utøvarar på hardingfele 2026 er tildelt Guro Bell Berge frå Kvam i Hardanger.
6. oktober 2026


