Meld deg på landsmøte 2025
Påmeldinga til landsmøte 2025 er no open. Påmeldingsfrist er 27. mars.
Vi legg opp til ei helg med gode diskusjonar, fagleg påfyll og sosiale opplevingar. Gjennom helga skal vi få eit innblikk i mangfaldet i organisasjonen, og inspirasjon til godt ungdomslagsarbeid gjennom organisastorisk sirkeltrening.
Det er mykje som skjer i Oslo denne helga, og vi har valt å inkludere noko av det i vårt program. FolkOrg har også årsmøte denne helga, og vi har felles program med seminar og dans fredagen kveld for dei som ønskjer å vere med på det.
Laurdag finn eit av dei største arrangementa i eitt av lokallaga stad midt i Oslo sentrum. BUL Oslo arrangerer Sentrumsløpet, og vi har funne plass i programmet dersom nokon vil springe 5km-løypa laurdag ettermiddag. Om du ikkje vil springe sjølv er eit godt høve til å sjå på folkelivet og kanskje heie på nokre kjende.
Som om ikkje dette var nok, er det Dansen dager denne helga, og vi nyttar høvet til å markere dette og å feire at folkedansar Silje Onstad Hålien er årets ambassadør og har korreografert årets dans med element frå halling, ril og anna pardans.
Fleire aktueltsaker
Sjå alle
Pressemelding: Levande møteplassar over heile landet
Arena for nabolagshus styrker samarbeidet mellom aktørane som arbeider for gode lokale møteplassar over heile landet. Noregs Ungdomslag og SoCentral får saman ansvar for den daglege drifta ut prosjektperioden, og det vil bli prøvd ut ein meir formalisert struktur for styringsgruppa. Arbeidet er gjort mogleg av ei ny tildeling på 4 millionar kroner frå Sparebankstiftelsen DNB, som skal nyttast til å vidareutvikle arenaen og mobilisere fleire samarbeidspartnarar og rammevilkårsetjarar. 22. september inviterer arenaen til sparringsverkstad under Kulturarenakonferansen i Oslo.
17. september 2026
Dans for born og ungdom på Ungdomshuset også i haust
Dans utan grenser Leikanger startar opp att med danseverkstad for born og ungdom på Leikanger ungdomshus 24. august 2026.
12. august 2026
Frivilligheita etterlyser større plass i kulturarvstrategien
Kvifor er ikkje det frivillige kulturvernet meir synleg i den nye strategien for immateriell kulturarv? Det spørsmålet stod i sentrum då Kulturvernforbundet, Noregs Ungdomslag og Norges Husflidslag inviterte til debatt under Arendalsuka. Debatten synte ei tydeleg usemje om kor stor plass frivilligheita har fått i strategiarbeidet.
10. august 2026