Nettmøte om springleik 10. mai
Måndag 10. mai kl. 19:30-21:00 kan du få med deg ein spennande samtale om springleiken, med fokus på området Vågå og omegn. Det er Øyvind Sandum, Inga Myhr og Vegar Vårdal som vil leie oss gjennom tema denne kvelden.
Korleis har dansen og musikken utvikla seg fram til i dag? Kva skilnader finn vi mellom ulike geografiske område, og ikkje minst kva skilnader finn vi frå einskilde dansarar? Korleis er springleiken i dagens samfunn, kva har kappleikar å seie for dagens dans? Finnast det ein fasit for riktig springleik?
Dette blir ein spennande kveld der vi vil belyse ulike sider springleiken og opne opp for diskusjonar om dansen, musikken og tradisjonane. Vi ynskjer gjerne at du deler dine tankar med oss. Vi vil også trekke inn nokre filmopptakk av springleik før og no, og du kan gjerne kike litt på danseopptak som ligg tilgjengeleg på YouTube før sjølve nettmøtet.
Fleire aktueltsaker
Sjå alle
Kulturbyggstøtte gir firedobbel effekt
Sidan 2016 har Sparebankstiftinga Sogn og Fjordane og Huset i Bygda delt ut 15,3 millionar kroner til ungdomshus, grendahus og samfunnshus i fylket. Ein ny rapport viser at kvar krone har utløyst nesten fire kroner i lokal investering.
29. september 2026
Pressemelding: Levande møteplassar over heile landet
Arena for nabolagshus styrker samarbeidet mellom aktørane som arbeider for gode lokale møteplassar over heile landet. Noregs Ungdomslag og SoCentral får saman ansvar for den daglege drifta ut prosjektperioden, og det vil bli prøvd ut ein meir formalisert struktur for styringsgruppa. Arbeidet er gjort mogleg av ei ny tildeling på 4 millionar kroner frå Sparebankstiftelsen DNB, som skal nyttast til å vidareutvikle arenaen og mobilisere fleire samarbeidspartnarar og rammevilkårsetjarar. 22. september inviterer arenaen til sparringsverkstad under Kulturarenakonferansen i Oslo.
17. september 2026
Dans for born og ungdom på Ungdomshuset også i haust
Dans utan grenser Leikanger startar opp att med danseverkstad for born og ungdom på Leikanger ungdomshus 24. august 2026.
12. august 2026
