Ny leiar i Noregs Ungdomslag
Tone Mjelde var seks år da ho byrja danse og leike i Mjeldalen Ungdomslag, og har vore aktiv innan teater i ungdomslaget sidan ho var lita. Lokallaget hennar og fellesskapet i Noregs Ungdomslag har vore avgjerande for Mjelde, og no er ho klar for å ta over som ny leiar i Noregs Ungdomslag.
- Organisasjonen vår er utruleg viktig for enkeltmenneske, bygder og heile samfunnet vårt, fortel Mjelde. Det er stort for meg å få lov til å leie dette arbeidet. Torbjørn har gjort ein fantastisk jobb i seks år. Han har lagt eit godt fundament for at me vil klare å få til mykje bra framover.
Mjelde trakk fram viktigheita av lokallaga i både eit folkehelseperspektiv og som ein organisasjon som fremmar demokratiske prosessar, og som er samlande i eit meir og meir polarisert samfunn.
- Hadde det ikkje vore lokallaget mitt, så veit eg ikkje kvar eg hadde vore i dag, eller om eg hadde vore, sa Mjelde i tiltredingstalen sin. I tunge tider var lokallaget ein plass å høyre heime, og å føle meistring, fortel ho. Dessutan møttest besteforeldra hennar kvarande i ungdomslagsaktivitet, og foreldra hennar møttest på ein dans i eit ungdomshus. Sjølv møtte ho sin partner i teaterlaget i ungdomslaget.
- Organisasjonen vår er utruleg viktig for enkeltmenneske, bygder og heile samfunnet vårt. Og i eit folkehelseperspektiv er eg heilt sikker på at Noregs Ungdomslag bidrar til betre fysisk og psykisk helse, seier Mjelde.
Tone Mjelde tek over etter Torbjørn Bergwitz Lauen, som har vore leiar i seks år.
Styre og arbeidsutval (AU) 2025
- Tone Mjelde (1990), Hordaland Ungdomslag, Ny, 1 år, Leiar
- Ida Haugen Skulstad (2003), Hordaland Ungdomslag, Supplering, 1.år, Politisk nestleiar/Au-medlem
- Torgeir T. Fiane (1994), Aust-Agder Ungdomslag, 2 år, Org.nestleiar/AU-medlem
- Marit Kvamen (1993), Hordaland Ungdomslag, ikkje på val, Styremedlem/Vara til AU
- Terje Svindseth (1969), Bygdelagssamskipnaden, supplering 1.år, Styremedlem/Vara til AU
- Tonje Johannessen Stabbetorp (1999), Eidsiva Fylkeslag, 2 år, Styremedlem
- Roy Arne Brukbakk (1963), Nordland Ungdomslag, 2 år, Styremedlem
- Marie Nicolaisen (1985), Bygdelagssamskipnaden, 1 år, 1. vara til styret
- Veronika Hope Leilleng (1995), Troms Ungdomsfylking, 1 år, 2. vara til styret
- Anne Cathrine Johansen (1978) Bygdelagssamskipnaden, 1 år, 3. vara til styret
Fleire aktueltsaker
Sjå alle
Dans for born og ungdom på Ungdomshuset også i haust
Dans utan grenser Leikanger startar opp att med danseverkstad for born og ungdom på Leikanger ungdomshus 24. august 2026.
12. august 2026
Frivilligheita etterlyser større plass i kulturarvstrategien
Kvifor er ikkje det frivillige kulturvernet meir synleg i den nye strategien for immateriell kulturarv? Det spørsmålet stod i sentrum då Kulturvernforbundet, Noregs Ungdomslag og Norges Husflidslag inviterte til debatt under Arendalsuka. Debatten synte ei tydeleg usemje om kor stor plass frivilligheita har fått i strategiarbeidet.
10. august 2026
Bunadmote og trendar, korleis møte ein marknad i utvikling?
Kva trendar ser ein innan bunadsfeltet i dag og korleis kan produsentar, fagmiljø og dei som elles arbeider med bunad møte desse trendane? På første dag under Arendalsveka sette dei fem samarbeidsorganisasjonane for bunadbruk i Noreg søkelys på denne tematikken.
10. august 2026