Nye heidersmedlemer
Å bli utnemnt til heidersmedlem i Noregs Ungdomslag noko svært få har fått oppleve.

Fram til 2019 var det berre 10 personar som hadde fått denne tittelen. Det er ei stor ære for oss i NU å kunne utnemne heile to nye heidersmedlemer i vårt 125-årsjubileum.
Våre ellevte og tolvte heidersmedlem er Dag Vårdal og Tor Stallvik!
Både Dag og Tor er dyktige fagpersonar som har hatt mykje å seie for folkedansen, organisasjonsarbeidet og for folkemusikken både i og utanfor NU. Dei har vore aktive i organisasjonen i mange år, både som tilsette, tillitsvalde og som instruktørar. Dei har skrive bøker, gjeve ut CDar, reist land og strand rundt og vore aktive både nasjonalt og lokalt.
Grunna situasjonen kring COVID-19 vart overrekkinga og overraskinga av heidersmedlemskapet noko annleis enn normalt. Dei vart båe overraska heime hjå seg sjølv i smittevernvenlege rammer. Vi har filma utdelingane, som du kan sjå til høgre i margen på denne sida. I tillegg kjem det nokre lengre filmar etter kvart der ein får høyre litt tankar frå både Dag og Tor om deira liv i NU og i miljøet.
Vi gratulerer Dag Vårdal og Tor Stallvik og er glade for å få lov til å omtale dei som våre nyaste heidersmedlemer i organisasjonen.
Les meir om både Dag Vårdal og Tor Stallvik ved å klikke deg inn på denne sida vår, der du også finn oversikt over dei tidlegare utnemnte heidersmedlemene våre: www.ungdomslag.no/om-oss/heidersmedlem/

Fleire aktueltsaker
Sjå alle
Fyrets laiv 2026 - Glim
Kultur- og teaterverkstedet Fyret i Sandnessjøen arrangerte 11. oktober sin årlige laiv, denne gangen en fantasy-laiv om det tenkte landet Glim. Det var en firetimers laiv som foregikk i Vakkerdalen ved foten av fjellrekken De syv søstre. Det deltok rundt 90 elever og foreldre.
29. oktober 2026


Regjeringa kuttar nær éin million til Noregs Ungdomslag
Regjeringa har foreslått å redusere løyvinga til Noregs Ungdomslag med 905 000 kroner. Kuttet vil direkte påverke arbeidet med rådgjeving og kompetanseheving for tusenvis av frivillige som eig og driftar lokale kulturbygg over heile landet.
7. oktober 2026


Minnepris 2026 til ung hardingfeleutøvar frå Kvam
Audhild Flaktveit Moxnes sin minnepris til unge utøvarar på hardingfele 2026 er tildelt Guro Bell Berge frå Kvam i Hardanger.
6. oktober 2026


