Siste nytt om "Kven Veit?"
Vi har fått fleire attendemeldingar frå lag om at det er vanskeleg å gjennomføre dei to siste rundane av Kven veit? grunna lokale eller regionale smitteverntiltak.
Kven veit? er ei landsdekkjande kunnskapstevling og vi ønskjer at alle laga som er påmeldt skal ha moglegheit til gjennomføre tevlinga. Vi ønskjer òg at kunnskapstevlinga skal medverke til samhald og gode opplevingar under koronapandemien, ikkje unødig uro for korleis laga skal organisere og gjennomføre tevlingsrundane.
Vi har difor endra fristen for gjennomføring av runde to og tre til 15. september.
For oversikt over regionale tiltak trykk her.
Dei som vil gjennomføre tevlingsrundane digitalt der deltakarane sit kvar for seg kan gjere det.
Frivillig Norge legg òg ut informasjon retta mot frivillige lag og organisasjonar jamleg her.
Er det behov for lokale tilpassingar for å fullføre tevlinga, ta kontakt med Christoffer Knagenhjelm på christoffer@ungdomslag.no, mob. 48004817.
Lukke til vidare!
Fleire aktueltsaker
Sjå alle
Kulturbyggstøtte gir firedobbel effekt
Sidan 2016 har Sparebankstiftinga Sogn og Fjordane og Huset i Bygda delt ut 15,3 millionar kroner til ungdomshus, grendahus og samfunnshus i fylket. Ein ny rapport viser at kvar krone har utløyst nesten fire kroner i lokal investering.
29. september 2026
Pressemelding: Levande møteplassar over heile landet
Arena for nabolagshus styrker samarbeidet mellom aktørane som arbeider for gode lokale møteplassar over heile landet. Noregs Ungdomslag og SoCentral får saman ansvar for den daglege drifta ut prosjektperioden, og det vil bli prøvd ut ein meir formalisert struktur for styringsgruppa. Arbeidet er gjort mogleg av ei ny tildeling på 4 millionar kroner frå Sparebankstiftelsen DNB, som skal nyttast til å vidareutvikle arenaen og mobilisere fleire samarbeidspartnarar og rammevilkårsetjarar. 22. september inviterer arenaen til sparringsverkstad under Kulturarenakonferansen i Oslo.
17. september 2026
Dans for born og ungdom på Ungdomshuset også i haust
Dans utan grenser Leikanger startar opp att med danseverkstad for born og ungdom på Leikanger ungdomshus 24. august 2026.
12. august 2026
