Søk gjesteinstruktør for hausten 2026

Lokal- og fylkeslag i Noregs Ungdomslag (NU) kan få besøk av ein gjesteinstruktør til å halde helgekurs i laget sitt. Ein kan velje mellom kurs i dans, musikk, teater, handverk eller organisasjon.

Laget betalar ein eigenandel på kr 6000 og NU betaler honorar, reise, diett og overnatting for instruktøren. Laget må sjølv organisere kurset, stille med lokale, ordne med påmelding mm, medan NU tek kontakt med instruktør og lagar kontrakt med denne.

• Send inn søknad

Kriterium:

• Kurset skal vare i minimum 8 klokketimar og inntil 10 klokketimar. Ønskjer laget lengre kurs, må laget dekke honorarkostnadane for dette.
• Laget skal melde inn kurset til Studieforbundet kultur og tradisjon (https://www.kulturogtradisjon.no/) dersom det er meir enn 3 deltakarar over 14 år
• Laget må vere medlem i Noregs Ungdomslag
• Laget må ha levert årsrapport for føregåande år og ha registrert sine medlemmar i medlemssystemet for inneverande år
• Laget må sende inn søknad innan den gjeldande fristen
• Søknader som kjem inn etter søknadsfrist vil ikkje verte vurdert
• Søknader som kjem via e-post/telefon/brev vert ikkje vurderte utan særskilt avtale

Fristar:

Søknadsfristar er 1. mai og 1. november.
For organisasjonskurs har vi ikkje frist.

For spørsmål, kontakt kulturrådgjevar Rita Sirirud Vatnehol på e-post rita@ungdomslag.no