Torsdagsquiz på Leikanger ungdomshus
Er du klar for kunnskap, konkurranse og godt selskap? Frå september arrangerer Leikanger ungdomslag quiz på ungdomshuset den første torsdagen kvar måndad – alle er velkomne!
OBS- torsdag 1. oktober opnar vi dørene kl. 19.00 og startar quizen kl. 19.30, for å tilpasse oss den offisielle opninga av Fruktbare dagar 2026. Programmet for Fruktbare dagar finn du her: https://www.opplevleikanger.no/kva-skjer/program-for-fruktbare-dagar-2026
Ein sosial kveld i godt selskap
Baren opnar kl. 18.30, så det er god tid til å slå av ein prat og setje seg til rette før quizen startar kl. 19.00. Vi tek sikte på å vere ferdige innan kl. 22.00.
Quizen passar for alle – anten du kjem for å vinne premiepotten eller berre for det sosiale og det kjekke fellesskapet. Det er også fritt fram å kome innom sjølv om du ikkje har eit lag. Kanskje finn du deg eit lag, eller kanskje vil du prøve deg på eiga hand? Eller kanskje vil du berre sitte og prate litt med dei frivillige som jobbar i baren.
Maks 5 deltakarar per lag, og deltakaravgifta er kr 50 per person. Meld laget ditt på via påmeldingsskjemaet.
Arrangementet er for personar over 18 år.
Quiz-datoar hausten 2026
- Torsdag 3. september - Quizvert er Tom Wolff Navarsete
- Torsdag 1. oktober - Quizvert er Tom Wolff Navarsete
- Torsdag 5. november
- Torsdag 3. desember
Vi håper å sjå deg på quiz på Leikanger ungdomshus i haust! Ønskjer du fleire slike aktivitetar? Støtt Leikanger ungdomslag ved å melde deg inn i laget vårt: https://www.ungdomslag.no/lag/leikanger
Fleire aktueltsaker
Sjå alle
Pressemelding: Levande møteplassar over heile landet
Arena for nabolagshus styrker samarbeidet mellom aktørane som arbeider for gode lokale møteplassar over heile landet. Noregs Ungdomslag og SoCentral får saman ansvar for den daglege drifta ut prosjektperioden, og det vil bli prøvd ut ein meir formalisert struktur for styringsgruppa. Arbeidet er gjort mogleg av ei ny tildeling på 4 millionar kroner frå Sparebankstiftelsen DNB, som skal nyttast til å vidareutvikle arenaen og mobilisere fleire samarbeidspartnarar og rammevilkårsetjarar. 22. september inviterer arenaen til sparringsverkstad under Kulturarenakonferansen i Oslo.
17. september 2026
Dans for born og ungdom på Ungdomshuset også i haust
Dans utan grenser Leikanger startar opp att med danseverkstad for born og ungdom på Leikanger ungdomshus 24. august 2026.
12. august 2026
Frivilligheita etterlyser større plass i kulturarvstrategien
Kvifor er ikkje det frivillige kulturvernet meir synleg i den nye strategien for immateriell kulturarv? Det spørsmålet stod i sentrum då Kulturvernforbundet, Noregs Ungdomslag og Norges Husflidslag inviterte til debatt under Arendalsuka. Debatten synte ei tydeleg usemje om kor stor plass frivilligheita har fått i strategiarbeidet.
10. august 2026