Vinnarane av Kven veit? er kåra
Årets vinnarlag av Kven veit? 2021 er kåra!
Tevlinga har i år har vore prega av coronavirus, stadige utsetjingar og postvesen som ikkje har vore heilt velvillig. Tross dette har laga stått på og gjennomført tevlingane etter beste evne. Nokre lag har krydra tilværet til tevlingsleiaren med ris, ros og underfundige kommentarar. Det er noko vi set pris på og håper laga fortsett med!
Av tevlingslaga er det eit lag som har vist eksepsjonelt høgt nivå gjennom heile tevlinga, med poenga 29-30-29 og det er Teaterlaget i BUL Oslo. Dette er nesten full pott i kvar tevlingsrunde! Vi gratulerer med overbevisande siger!
Under Teaterlaget er det meir jamt. Hugnad UL måtte i år, som i fjor ta til takke med andreplassen med 83 poeng. På tredje er det litt rokering i år, Fjærland Ungdomslag (Bøyum Camping), datt ned til femte, mens Bergen Ungdomslag Ervingen kapra tredjeplassen med 81 poeng. Hordalaget la seg i mellom på fjerde med 79 poeng.
Vi er i gang med planlegging av neste år og håper å sjå dykk alle, i ein tevling som forhåpentlegvis vert prega av godlynt konkurranseånd i beste NU-tradisjon, heller enn coronaviruset!
Takk til alle som deltok!
Her er heile resultatlista
Fleire aktualitetar
Sjå alle
Vil laget ditt vere vertskap for BARNLEK og Nordisk Sommarleir 2029?
Noregs Ungdomslag leitar etter eitt eller fleire lokallag som vil vere lokalt vertskap for BARNLEK og Nordisk Sommarleir i 2029. Arrangementa vil samle barn og ungdom frå heile Norden til ei veke med dans, musikk, leik, teater og nye venskap.
12. mars 2026
Ønskjer du å leige Leikanger ungdomshus?
10. mars 2026
Kven Veit? 2026: Resultat etter 1. runde
Første tevlingsrunde med Kven Veit? 2026 er gjennomført og alle deltakarlag har sendt inn sine resultat. Vi har gått gjennom svara og kan avsløre kven som seglar opp i ei foreløpig leiing.
27. februar 2026