Grunnleggende instruktørkurs i folkedans

Kurset passar for deg som ønskjer å lære meir om korleis instruere i folkedans for ungdom og vaksne. På det grunnleggande instruktørkurset lærer du eit repertoar av dansar, du får grunnleggande kunnskap om sjangeren eller målgruppa, og du lærer metodar for å læra bort og leia dans.

Instruktør på kurset er Audun Grüner-Hegge.

Audun er utdanna adjunkt og jobbar på skule. Han har dansa sidan han var gut og har lang og brei erfaring som både folkedansar og instruktør. Audun har vore instruktør i Leikarringen i BUL Oslo i ei årrekkje og er framleis aktiv der. I tillegg har han heldt mange dansekurs rundt om. Fleire av lokallaga i NU kjenner godt til Audun. Med sin energiske og tydelege måte å lære vekk på, er han ein inspirator for deltakarane.