Hussamling i Hardanger

Huset i Bygda og Hordaland Ungdomslag inviterer deg hjarteleg til hussamling i Hardanger - ein ettermiddag fylt med gode samtalar, nyttig kunnskap og inspirasjon til vidare arbeid med huset ditt.​

Stad: Haugatun Ungdomshus, Strandebarm Ungdomslag​
Tid: Sundag 23. november kl. 13.00–16.00 (huset er ope frå kl. 12.00)

Kvifor kome?

Enten du planlegg å pusse opp lagshuset eller vil fylle huset med levande aktivitetar – handlar det om å fortelje historia di på ein måte som får fleire til å vere med.​

På samlinga får du konkrete tips til:​

• korleis du byggjer opp ein god søknad​
• kvar du kan søkje om støtte​
• kva som får tilskotsgivarar til å stoppe opp og lese vidare,​
• korleis du viser kor viktig huset er for lokalsamfunnet ditt.​

Dette blir både praktisk, inspirerande og nyttig – og sjølvsagt ein hyggeleg møteplass for alle som brenn for dei levande husa våre!​

Program

• Huset er ope frå kl. 12.00​
• Velkomen: Kven er vi – Huset i Bygda og Hordaland Ungdomslag​
• Strandebarm Ungdomslag fortel om huset sitt​
• Laga introduserer seg​
• Kommunale perspektiv: kulturleiar eller representant frå kommunen deler tankar om prioriteringar og rammevilkår​
• Branntryggleik: 1. desember er røykvarslardagen – korleis halde huset trygt og sikkert for brukarane​
• Mat og mingling​
• Korleis skrive gode søknadar​
• Oppsummering: spørsmål og innspel frå laga​
• Takk for i dag!​

Vi håpar mange tek turen – dette blir ein unik sjanse til å hente inspirasjon, dele erfaringar og bygge nettverk på tvers av bygdene i Hardanger.

Påmelding

Meld deg på til ida@ungdomslag.no (mob. 93 25 15 85) innan 17. november.

Vel møtt til ein triveleg og lærerik dag på Haugatun!