Folkedans

Juniorinstruktørkurs (AVLYST)

Arrangør: Voss Ul

Kurset er diverre avlyst grunna for lite påmelding.
Har ditt lokalmiljø behov for eit slikt kurs?
Ta kontakt med kulturrådgjevar Rita Sirirud Vatnehol.

Juniorinstruktørkurs i folkedans passar for deg som er ungdom eller ung vaksen og er ny i rolla som instruktør for barn.

Spør gjerne lokal- eller fylkeslaget ditt om dei kan gi støtte til deltaking på kurset.

09.00
12. – 13. september 2026
Uttrågata 18, 5700 Vossevangen
600

Helga 12.-13.september inviterer vi til juniorinstruktørkurs i folkedans i samarbeid med Voss Ungdomslag.

Kurset rettar seg mot unge, nye folkedansinstruktørar som instruerer barnegrupper.

På kurset vil du lære eit repertoar av dansar som passar for barn, samt mykje om korleis du kan legge opp øvingane på ein god måte. Du vil lære om korleis du kan leie og instruere barnegrupper og kva pedagogiske grep du kan bruke for å lære vekk ein dans til dei yngste.

Kurset passar for deg som har dansa sjølv ei stund og som anten har fått i oppgåve å lære vekk til dei yngre i laget eller deg som ønskjer å vite meir om instruktørrolla.

Instruktør

Instruktør på kurset er Audun Grüner-Hegge. Audun er utdanna pedagog, jobbar som lærar og er ein erfaren og allsidig folkedansar og instruktør. Han har vore instruktør i ulike grupper, både for barn, unge og vaksne - og har halde fleire kurs for Noregs Ungdomslag. Audun er kreativ og kunnskapsrik, og kjenner dei ulike dansefamiliane i Noreg godt.

Musikar på kurset er ikkje klart enda. Informasjon kjem.

Førebels timeplan (med atterhald om endringar)

Laurdag 12.september

09.00: Registrering opnar
10.00: Kursstart
13.00: Lunsjpause
13.45: Kurset held fram

Sundag 13.september

10.00: Kursstart
13.00: Lunsjpause
13.45: Kurset held fram