Bygdefest i byen!
Laurdag 29.april blir det fest, dans og levande lokalkultur i lokala til BLS heile kvelden!
I samband med Landsmøtet i Noregs Ungdomslag inviterer vi til fest med dans i fleire salar til god og variert musikk heile kvelden. Festen er ein del av landsmøtehelga til NU, men er open for alle. Arrangementet er i samarbeid med Leikarringen Frøy.
Flatlusa Spelemannslag spelar tradisjonell folkemusikk du kan danse det du ønskjer til, medan 4-Hire tek seg av bygdefeststemninga og gir oss variantar av swing, country og rock. Samstundes spelar eit utval folkemusikarar opp til bygdedans, turdans, songdans og runddans i den andre salen.
Vi har også tenkt på deg som ikkje ønskjer å svinge deg på dansegolvet heile kvelden. Med gode, sosiale rammer ligg alt til rette for at alle skal ha det gøy på festen, også utan dansesko.
Adresse: Nordahl Bruns gate 22
Dans frå kl. 20:00
Kaffi og kaker er inkludert i inngangsbilletten.
Pris: NU-medlem 100,-, ikkje medlem 200,- (vipps i døra). Utsendingar på landsmøtet kjem gratis inn.
For meir informasjon, sjå vårt Facebookarrangement.
Fleire aktueltsaker
Sjå alle
Kulturbyggstøtte gir firedobbel effekt
Sidan 2016 har Sparebankstiftinga Sogn og Fjordane og Huset i Bygda delt ut 15,3 millionar kroner til ungdomshus, grendahus og samfunnshus i fylket. Ein ny rapport viser at kvar krone har utløyst nesten fire kroner i lokal investering.
29. september 2026
Pressemelding: Levande møteplassar over heile landet
Arena for nabolagshus styrker samarbeidet mellom aktørane som arbeider for gode lokale møteplassar over heile landet. Noregs Ungdomslag og SoCentral får saman ansvar for den daglege drifta ut prosjektperioden, og det vil bli prøvd ut ein meir formalisert struktur for styringsgruppa. Arbeidet er gjort mogleg av ei ny tildeling på 4 millionar kroner frå Sparebankstiftelsen DNB, som skal nyttast til å vidareutvikle arenaen og mobilisere fleire samarbeidspartnarar og rammevilkårsetjarar. 22. september inviterer arenaen til sparringsverkstad under Kulturarenakonferansen i Oslo.
17. september 2026
Dans for born og ungdom på Ungdomshuset også i haust
Dans utan grenser Leikanger startar opp att med danseverkstad for born og ungdom på Leikanger ungdomshus 24. august 2026.
12. august 2026
