Nettmøte: Dansetradisjonar frå Oslo
Knapt nokon stad i landet vårt har det vore dansa så mykje og ofte som nett i hovudstaden vår. På 1800-talet var dans ei viktig samværsform for alle samfunnsklasser, frå borgarane sine bygardar og herskapsseter til ålmugen sine mange dansehus aust i byen. På Christiania Tivoli var det rom for dei fleste av dei.
I møtet skal vi snakke om fleire av desse dansearenaene, kva dansar dei brukte og musikken som vart spelt til. Dansa alle dei same dansane, eller var det store skilnader dei sosiale klassane imellom? Skilte det seg mykje frå kva dei dansa på bygda? Kvar kom dei nye impulsane frå?
Vi vil også syne nokre danseeksempel på film og høyre litt på musikken som hørte til.
Fleire aktueltsaker
Sjå alle
Pressemelding: Levande møteplassar over heile landet
Arena for nabolagshus styrker samarbeidet mellom aktørane som arbeider for gode lokale møteplassar over heile landet. Noregs Ungdomslag og SoCentral får saman ansvar for den daglege drifta ut prosjektperioden, og det vil bli prøvd ut ein meir formalisert struktur for styringsgruppa. Arbeidet er gjort mogleg av ei ny tildeling på 4 millionar kroner frå Sparebankstiftelsen DNB, som skal nyttast til å vidareutvikle arenaen og mobilisere fleire samarbeidspartnarar og rammevilkårsetjarar. 22. september inviterer arenaen til sparringsverkstad under Kulturarenakonferansen i Oslo.
17. september 2026
Dans for born og ungdom på Ungdomshuset også i haust
Dans utan grenser Leikanger startar opp att med danseverkstad for born og ungdom på Leikanger ungdomshus 24. august 2026.
12. august 2026
Frivilligheita etterlyser større plass i kulturarvstrategien
Kvifor er ikkje det frivillige kulturvernet meir synleg i den nye strategien for immateriell kulturarv? Det spørsmålet stod i sentrum då Kulturvernforbundet, Noregs Ungdomslag og Norges Husflidslag inviterte til debatt under Arendalsuka. Debatten synte ei tydeleg usemje om kor stor plass frivilligheita har fått i strategiarbeidet.
10. august 2026