Påmelding Kven Veit? 2025

Kven Veit? er ei nasjonal kunnskapstevling, eller quiz som vi med tida har vorte meir vande med å kalle det. Noregs Ungdomslag har arrangert tevlinga årleg sidan 1963. Her blir allmennkunnskapen testa, i tillegg til at deltakarane skal fordjupe seg i årets tema. Vi lagar temahefte, spørsmål, svarark og skjema til tre rundar med tevling. For kvar tevling får laga tildelt 10 kategoriar med til saman 30 spørmsål. Av desse er 6 spørsmål knytt til tema og ein kan altså lese seg opp på førehand.

Dei påmelde deltakarane i 2025 skal få eit djupdykk i norsk utvandrarhistorie. Dette er fordi 2025 markerer 200års-jubileet for norsk utvandring til Amerika. Vi skal ikkje avsløre for mykje av innhaldet i temaheftet no, men vi kan love at det blir spennande og lærerikt når de no skal få lese dykk opp på denne delen av norsk historie.

Viktige datoar:

• Påmeldingsfrist: 8. januar.
• Første tevlingsrunde: 20. januar - 7. februar. Dette betyr at laga må ha gjennomført tevlingsrunda i denne tidsperioden.
• Innlevering av svar frå første runde: 7. februar
• Andre tevlingsrunde: 10. februar - 28. februar
• Innlevering av svar frå andre runde: 28. februar
• Tredje og siste tevlingsrunde: 3. mars - 21. mars
• Innlevering av svar frå tredje tevlingsrunde: 21. mars
• Landsmøte og kåring av resultata: 25.-27. april under landsmøtet til Noregs Ungdomslag i Oslo.

Resultata frå dei ulike rundene blir publisert omtrent to veker etter at sekretariatet har motteke alle svar fra runda.

Så no er det tid for å samle tevlingslaga og melde dykk på. Påmeldingsskjema finn de her.

Les meir om Kven Veit? her.