Søk om gjesteinstruktør for hausten 2020
To gonger i året kan lag i Noregs Ungdomslag søke om å få tilsendt ein gjesteinstruktør til å halde kurs i laget sitt. Neste søknadsfrist er like rundt hjørnet, 1. mai. No er endeleg søknadsskjema opna.
Trykk her for å kome direkte til søknadsskjema.
Som ein av lagsfordelane i NU tilbyr vi helgekurs på 8-10 timar. Det er muleg å bestille instruktør til kurs i dans eller teater.
Vilkår: Laget betaler ein eigendel på kr 5.000.- og NU betaler honorar, reise og overnatting for instruktøren. Laget må sjølv organisere kurset, stille med lokale og ordne med påmelding mm. Laget pliktar å melde inn kurset til Studieforbundet kultur og tradisjon , seinast same dag som fyrste kursdag. Her får ein kurstilskot for deltakarar over 14 år.
Her kan du lese meir om gjesteinstruktørordninga (trykk her).
NU har diverre ikkje ubegrensa med midlar til å sende ut instruktørar, difor er det innført ei søknadsordning med to fristar i året. På denne måten har alle lag som ynskjer moglegheit til å søke, og fordelinga på kven som får nytte ordninga frå år til år blir forhåpentlig noko meir rettferdig.
Ikkje nøl med å ta kontakt om du har spørsmål, og hugs å sende inn ein søknad innan 1. mai 2020 for kurs som skal haldast i perioden juli-desember 2020.
Fleire aktualitetar
Sjå alle
Kven Veit? 2026: Resultat etter 2. runde
Andre tevlingsrunde med Kven Veit? 2026 er gjennomført og alle deltakarlag har sendt inn sine resultat. Vi har gått igjennom svara og kan avsløre at pallplasseringane har endra seg sidan førre runde, og at det er mange lag som knivar om topplasseringa.
2. april 2026
Stem på Årets lokallag 2025
Prisen for Årets lokallag i Noregs Ungdomslag vert delt ut for fjerde gong under landsmøte i Oslo 18-19. april 2026. I år er fem lag er plukka ut etter nominasjonsrunden, og fram til 13. april kan du stemme på det laget du meiner fortener å bli kåra til Årets lokallag!
27. mars 2026
Fleirtal for momskompensasjon for organisasjonseigde kulturbygg
Det er no fleirtal på Stortinget for å innføre momskompensasjon til organisasjonseigde kulturbygg. Etter mange år med politisk arbeid ligg det no an til eit historisk gjennombrot for frivillig eigde kulturarenaer over heile landet.
26. mars 2026