Hussamling på Gol

Huset i Bygda inviterer til den aller første hussamlinga på Austlandet – på Gol i Hallingdal. Me byr på gode samtalar, nyttig kunnskap og inspirasjon til vidare arbeid med huset ditt.​

Stad: Vonheim Ungdomshus (Gol Ungdomslag​), Hemsedalsvegen 21
Tid: Onsdag 3. juni kl. 19.00–21.00

Huset i Bygda – no på austlandet!

Huset i Bygda har i snart 20 år vore i drift i Sogn og Fjordane, i tillegg til å ha hatt prosjektperiodar i Hordaland, Møre og Romsdal og Trøndelag. No i 2026 startar me opp på austlandet, og ønskjer difor å invitere til denne første av mange samlingar på denne sida av langfjella.

På samlinga vil du få informasjon om kva Huset i Bygda er, korleis me jobbar, og kva konkret me kan hjelpe dykk med. I tillegg blir det eit fagleg foredrag om brannvern og korleis du held huset trygt og og sikkert for brukarane.

Dette blir både praktisk, inspirerande og nyttig – og sjølvsagt ein triveleg møteplass for alle som brenn for dei levande husa våre!​

Program

• Presentasjon av Huset i Bygda – nasjonalt og på austlandet
• Presentasjon av Vonheim ungdomshus
• Brannvern
• Kulturarenastrategi og politisk arbeid
• Kvifor kartlegge, og korleis hjelpe til?

Vi håpar mange tek turen – dette blir ein unik sjanse til å hente inspirasjon, dele erfaringar og bygge nettverk på tvers av bygdene i Hardanger.

Påmelding

Meld deg på til torbjorn@ungdomslag.no (mob. 95 96 94 75) innan 31. mai.

Vel møtt til ein triveleg og lærerik kveld på Vonheim!