Levande kulturarv

Kven Veit? 2026

Påmeldinga til Kven Veit? 2026 er no open. Påmeldingsfrist er 15. desember.

15. desember 2025 – 27. mars 2026

Nyttige lenkjer

Kven Veit? er ei nasjonal kunnskapstevling, eller quiz som vi med tida har vorte meir vande med å kalle det. Noregs Ungdomslag har arrangert tevlinga årleg sidan 1963. Her blir allmennkunnskapen testa, i tillegg til at deltakarane skal fordjupe seg i årets tema. Vi lagar temahefte, spørsmål, svarark og skjema til tre rundar med tevling. For kvar tevling får laga tildelt 10 kategoriar med til saman 30 spørmsål. Av desse er 6 spørsmål knytt til tema og ein kan altså lese seg opp på førehand.

Tema for Kven Veit? 2026 er Kulturarv og konflikt. Temaet tek utgangspunkt i fråsegnet Kulturarv vert øydelagd av krig og konflikt som blei vedteke på Landsmøtet i 2024. Utan å avsløre for mykje av kva de får lese i temaheftet for 2026, vil de få innblikk i ei rekkje ulike eksempel på kultur og konflikt til ulike tider og i ulike deler av verda. Vi håpar det blir både spanande og lærerrikt.

Viktige datoar

Påmeldingsfrist: 15. Desember
Første tevlingsrunde: 19. januar - 6. februar. Dette betyr at laga må ha gjennomført tevlingsrunda i denne tidsperioden.
Innlevering av svar frå første runde: 6. februar
Andre tevlingsrunde: 9. februar - 6. mars
Innlevering av svar frå andre runde: 6. mars
Tredje og siste tevlingsrunde: 9. mars - 27. mars
Innlevering av svar frå tredje tevlingsrunde: 27. mars.
Landsmøte og kåring av resultata: 18. april

Resultata frå dei ulike rundene blir publisert omtrent to veker etter at sekretariatet har motteke alle svar fra runda.