2 millionar ekstra

I løpet av 2025 har Noregs Ungdomslag fått tilsegn om over to millionar kroner knytta til arbeidet for organisasjonseigde og frivillig drivne kulturhus.

Tilskot frå Sogn og Fjordane

I juni fekk Noregs Ungdomslag ein million kroner frå Sparebankstiftinga Sogn og Fjordane, til å etablere Huset i Bygda som eit nasjonalt kompetansetilbod for organisasjonseigde hus. Dei lagseigde ungdomshusa er for mange bygder det kulturelle og sosiale limet i samfunnet. Men husa driv seg ikkje sjølv, og mange har dessutan behov for både renovering, vedlikehald og universell utforming. Gåvemidlane er fordelte på 500 000 kroner i 2025 og det same beløpet i 2026.

– Vi er stolte over å få denne tilliten, sa generalsekretær Magni Hjertenes Flyum i samband med utdelinga i juni.

Les saka frå juni her

Høyring på Stortinget

I november deltok Generalsekretær Magni Hjertenes Flyum og styreleiar Tone Mjelde på høyring i Familie- og kulturkomiteen på Stortinget. Der peika dei på at lokale kulturhuser avgjerande for levande og inkluderande lokalsamfunn. Noregs Ungdomslag bad om å auke driftstilskotet med ein million kroner, slik at blant anna rådgjevingstenesten Huset i Bygda kan kome fleire til gode. – dette handlar om berekraft i praksis, å ta vare på det vi allereie har, sa styreleiar Tone Mjelde i samband med høyringa.

Les saka frå november her

Auka tilskot etter budsjettforhandlingar på Stortinget

Etter haustens stortingsval har november vore ei spanande tid med budsjettforhandlingar mellom partane i regjeringa. I desember blei regjeringa endeleg einige om eit statsbudsjett, og Noregs Ungdomslag fekk auka støtta med ein million kroner. Dette er eit resultat av det politiske arbeidet som blei lagt ned i løpet av hausten, der vi var til stades ved innspelsmøter vedrørande budsjettet. Det er også takka vere politikarar som ser og anerkjenner det viktige arbeidet vi gjer.

- Noregs Ungdomslag bidrar hver dag til å skape engasjement, aktivitet og fellesskap, og dette arbeidet har stor betydning både kulturelt og samfunnsmessig, skriv leiar i Senterpartiet Trygve Slagsvold Vedum til Noregs Ungdomslag.