Lagsnytt frå Noregs Ungdomslag 30. mars 2026
30. mars 2026
🐣 God påske
I dette nyheitsbrevet finn du litt informasjon knytt til landsmøtet som finn stad i Oslo i veke 16. Det er og informasjon knytt til andre fristar og arrangement.
Med dette nyheitsbrevet tek NU-kontor påskeferie og sentralbordet stenger. Vi er tilbake 7. april. Er det noko som ikkje kan vente til då kan de ta kontakt med generalsekretær Magni (934 22 756). E-postinnboksen bli opna sporadisk!
Vi håper alle brukar den kommande veka på å ete kvikk lunsj, nyte dei solstrålane som kjem og lade batteria.
🎉 Historisk gjennomslag for kultyrbygg
Ein stor siger for frivilligheita skjedde rett før påske: Stortinget har fleirtal for momskompensasjon til organisasjonseigde kulturbygg! Dette er ei historisk og gledeleg annerkjenning av den enorme innsatsen som blir lagt ned lokalt i ungdomshusa. Dette må feirast, les heile saka og bli med på jubelen her!
Utvida påmeldingsfrist
Vi har utvida påmeldingsfristen til landsmøte slik at de no kan melde dykk på til og med 6. april. Grunna kapasitet på hotellet kan vi ikkje garantere overnatting på landsmøtehotellet til dei som melder seg på etter ordinær påmeldingsfrist, som var 25. mars.
Landsmøteseminar
Kjem du til byen fredag? Då har vi fleire seminar du kan delta på. Frist for å melde seg på desse er sundag 12. april.
Sommarleiren 2026
Vi minner om at påmeldingsfristen til årets sommarleir er 1. mai.
Årets sommarleir gir kurs i folkedans, teater, linedance, spel eller heilt andre ting. Leiren finn stad frå 29. juni til 3. juli i Ulsteinvik. Sommarleiren er staden der nye minne og vennskap blir til, meld på dine ungdomsmedlemmar idag!
Søk gjesteinstruktør for hausten 2026
Skal de arrangere kurs i løpet av hausten og vil ha besøk av ein instruktør?
Søk innan 1.mai på gjesteinstruktørordninga vår for kurs gjennomført mellom 1.august og 31.desember 2026.
Dei nominerte til årets lokallag er no annonsert, og dei nominerte laga er
- Fjærland Ungdomslag
- Hallinglaget i Oslo
- Nidelv Ungdomslag
- Nybrott Ungdomslag
- UL Fram