Kurs: Turdans i ny drakt

Marianne Dahl vil i dette dagskurset inspirere deg til å ta i bruk turdansane på ein ny og inviterande måte. Du vil reise heim med eit utvida turdansrepertoar og metodar for korleis få alle i rommet med i dansen. Kurset passar for deg som har dansa før, men det er ikkje eit krav å ha mykje erfaring med turdanssjangeren.

Om kurshaldaren

Marianne Dahl har brei erfaring som folkedansar og instruktør for både barn, unge og vaksne. Ho har eit særleg engasjement for turdansane og ivrar etter å spreie interesse og nysgjerrigheit for desse.

I 2024 var ho med på å utarbeide eit eige seminar om Klara Semb og turdansar og har sidan også vore med på å utvikle eit dansefestkonsept der ein introduserer turdans i ei litt ny drakt for både nye og erfarne dansarar.

Kurset er ein del av NU-helga i Trondheim og det vil vere mogleg å delta på meir av programmet viss du ønskjer det. Påmelding skjer i same skjema som påmelding til NU-helga.

For spørsmål, ta kontakt med kulturrådgjevar Rita Sirirud Vatnehol, rita@ungdomslag.no