Årets lokallag 2025
Du kan no sende inn nominasjon til Årets lokallag 2025!
Nominasjonsfrist: 1. mars 2026.
Prisen for årets lokallag i Noregs Ungdomlag vart delt ut for fyrste gong under landsmøtet i 2023.
Bakgrunn for oppretting av prisen er å heidre og framsnakke arbeidet lokallaga våre gjer kvar dag for å skape gode lokalsamfunn. Med prisen følgjer diplom og ein pengepremie på 10 000 kroner.
I vurderinga legg vi vekt på lag som bidreg gjennom gode og varierte aktivitetar til å skape gode fritidstilbod, og ikke minst samhald og inkluderande møteplasser uavhengig av alder. Aktiv deltaking i fylkeslaga er og eit pluss.
No kan du nominere eit lag du meiner fortjener prisen.
Tidligare vinnare:
UL Skjoldafjord
Årets lokallag 2024
Utdrag frå juryens grunngjeving:
Etter ei samla vurdering går prisen til eit lag som gjennom meir enn hundre år har vore ein kulturell bærebjelke i lokalsamfunnet. Med eit sterkt engasjement for kreativ utfalding og fellesskap, har laget klart å samle barn, ungdom og vaksne på tvers av generasjonar. Gjennom sitt inkluderande miljø og sitt målretta arbeid for høg kvalitet, har laget vorte ein uvurderleg ressurs for heile lokalsamfunnet.
Bagabu Ungdomslag
Årets lokallag 2023
Utdrag frå juryens grunngjeving:
Laget legg vekt på at aktivitetane skal både rekruttere og involvere deltakarane, samstundes som dei er gode på å delegere ansvar og skaper rom for alle både barn, ungdom og vaksne. På denne måten byggar dei og demokratiforståing. Dei driv både med tradisjonelle NU- aktivitetar som teater, dans, lesestundar og songkveldar, men arrangerer òg nye formar for aktivitetar som LAN-party.
Kløvheim Ungdomslag
Årets lokallag 2022
Utdrag frå juryens grunngjeving:
I tillegg til at stemmegivinga gjorde stort inntrykk på juryen, er vi imponert over både bredde og omfang i aktivitetsnivået, som òg viser god dugnadsvilje. Laget har sunn økonomi, eit godt drevet ungdomshus og viser òg at de er flinke til å søke om tilskot til aktivitetar. Laget feira 100-års jubileum i 2022 og kan fortsette feiringa med at de er årets lokallag i 2023!
Fleire aktueltsaker
Sjå alle
Frivilligdrivne kulturbygg samla organisasjonar til fagsamling
På Nynorskens hus i Oslo samla 22 deltakarar frå ulike organisasjonar seg måndag 2. juni til fagsamling om frivilligdrivne kulturbygg. Samlinga løfta fram kor viktige desse husa er som møteplassar for kultur, fellesskap og frivilligheit, og hadde som mål å dele røynsler, løfte felles utfordringar og drøfte korleis organisasjonane saman kan påverke det vidare arbeidet med rammevilkår.
2. juni 2026
Måndagsdans på ungdomshuset
Vi har veldig lyst å starte opp igjen med måndagsdans for vaksne til hausten.
26. mai 2026
No kan laga søkje om momskompensasjon
No er det opna for å søkje om momskompensasjon for rekneskapsåret 2025, og vi oppmodar alle lag som er medlem i Noregs Ungdomslag til å sende inn ein søknad. Momskompensasjonsordninga er ei statleg støtteordning som skal kompensere frivillige lag og organisasjonar for meirverdiavgift på varer og tenester. Måler er å styrkje frivillig aktivitet ved at meir av pengane kan gå til aktiviteten i staden for avgifter.
22. mai 2026