No kan laga søkje om momskompensasjon

Kven kan søkje?

Alle lokal- og fylkeslag i Noregs Ungdomlag kan søkje om momskompensasjon.

Det er Noregs Ungdomslag som samordnar og sender inn ein felles søknad på vegner av alla laga i organisasjonen: Dette er i tråd med regelverket, der underledd ikkje kan søkje sjølv dersom dei er ein del av ein organisasjon.

Nytt av året

Frå og med søknadsåret 2026 krev vi at laga må ha lasta opp vedtektene sine i Hypersys for å kunne søkje. Bakgrunnen er endringar i forskrifta som tredde i kraft 1. januar 2026, som blant anna stiller klårare krav til frivillig innsats. Frivillig innsats må vere ein viktig del av heile organisasjonen, og vedtektene til laget kan dokumentere denne delen.

Korleis søkjer du?

Det er enkelt å søkje, men det krev at de har god kontroll på rekneskapen:

1. Sjekk at alle formaliteter er på plass:
   1. Årsrapport må vere levert i Hypersys.
   2. Laget må vere registert i Frivillighetsregisteret
   3. Laget må ha valt revisor
   4. Laget må ha lasta opp vedtektene sine i Hypersys.
2. Last ned og fyll ut transaksjonslista med oversikt over meirverdiavgift laget hadde i rekneskapsåret 2025
3. Samle dei obligatoriske vedlegga som skal med:
   1. Godkjent rekneskap
   2. Revisjonsmelding
   3. Årsmøteprotokoll
4. Send transaksjonslista med alle vedlegg til moms@ungdomslag.no innan fristen 1. juli
5. Noregs Ungdomslag sentralt går gjennom søknaden og sender ein samla søknad vidare. Er det noko feil eller manglar i søknaden får de tilbakemelding på det med frist for å rette opp.

Søknaden tek utgangspunkt i dei faktiske momsutgiftene laget har hatt.

Kvifor søkje?

Momskompensasjon er ei ordning som gir direkte økonomisk gevinst for aktiviteten laget allereie har. Når de kjøper varer og tenester, til dømes til kurs, framsyning, dansekveldar eller anna lagsaktivitet, betaler de meirverdiavgift. Gjennom denne ordninga kan laget få desse kostandene tilbake.

Med dokumentert modell som Noregs Ungdomslag nyttar får laga refundert faktiske momsutgifter, noko som gjer ordninga særleg gunstig for mange.

For mange lag kan dette utgjere fleire tusen kroner kvart år. Pengane kan brukast fritt, til dømes til:

• meir aktivitet og arrangement
• lågare deltakaravgifter for medlemmar
• utvikling av nye tilbod

I tillegg er det ein fordel for heile organisasjonen at mange lag søkjer. Det synleggjer aktivitetsnivået i Noregs Ungdomslag og bidreg til eit godt grunnlag for framtidige løyvingar.

Har de spørsmål eller treng hjelp med søknaden? Ta kontakt med NU-kontoret, vi hjelper dykk gjerne!

Les meir om ordninga og send inn ein søknad her.